Истеъмолкунанда Р.И. бо ариза муроҷиат намуда қайд намуд, ки дар назди ҳавлии бинои истиқоматии онҳо, дар варақаҳо оид ба пешниҳоди хизматрасонии телевизиони нокелӣ тақсим карда мешуданд. Панҷ оила, аз он ҷумла шаҳрванд Р.И. барои пайваст гардидан ба ин хизматрасонӣ розӣ шуданд. Намояндагони ширкат омада, хизматрасонии телевизиони ноқилиро пайваст намуданд. Дар аввал, ҳамаи шабакаҳои телевизионӣ ба дараҷаи олӣ намоиш дода мешуданд. Баъди чанд вақт, хизматрасонӣ ба онҳо қатъ карда мешавад. Истеъмолкунандагон сабаби қатъ шудани хизматрасониро ҷустуҷӯ намуда, муайян менамоянд, ки онҳоро ғайриқонунӣ ба хати бегона пайваст намуда будаанд. Дар муддати як ҳафта истеъмолкунандагон кӯшиш ба харҷ додаанд, ки онҳоро дубора ба шабака пайваст намоянд. Баъди дубора пайваст намудан, гоҳ мавҷ ва гоҳе шабакаҳои телевизионӣ гум мешаванд, гоҳе истеъмолкунандагон интизори намояндагони ширкати хизматрасон барои бартараф кардани нуқсон ҳозир мешаванд.
Иттифоқ ба суроғаи ширкати хизматрасон бо иддао муроҷиат намуда дар он ҳамаи ҳолатҳои кор, ваҷҳҳо оид ба вайрон шудани ҳуқуқи истеъмолкунанда, талаботи қонунгузор ва оқибати иҷро накардани талаботи қонунии истеъмолкунанда оварда қайд намуд.
Дар давоми як ҳафтаи пас аз қабули иддао, хизматрасон ҳамаи нуқсониҳоро бартараф намуда, ба истеъмолкунанда хизматрасониро бо сифати муносиб ба роҳ монд.